台語開講33~【地球的面冊】為齊柏林訴說看見台灣


台語開講33~【地球的面冊】為齊柏林訴說看見台灣 林聰明/盧靖安
    弘鶯陶LOGO 弘鶯陶網路電台盧靖安 林聰明老師

訪談大綱

        2017年8月30日甫在台灣風光落幕的台北世大運,許多運動好手與幕後英雄,奪得精彩佳績也讓這場成功的賽事獲得國際間極高的評價,藉這個機會也讓世界「看見台灣」名不虛傳。就在不久前的6月,拍攝「看見台灣」電影續集的  齊柏林導演,在執行拍攝的空拍直升機意外墜落的「空難」中與世長辭,令人心痛,也讓人看見台灣渾然天成的美與人為破壞的醜,靖安開頭藉著聰明老師所寫的「齊柏林 君」藏頭詩,朗讀與聽眾朋友一起紀念,聰明老師也利用現代人常用的臉書社群,擬人設想的寫了【地球的面冊】這篇作品,我們一起聆聽,不管是個人的臉書或是粉絲頁能有幾個朋友,都不要忘了我們的地球只有一個,讓我們珍惜自然環境,不再給予她負擔,別在我們自以為是的人類手中摧毀殆盡,如同我們的母語聲音如此的美同等珍貴!
感謝聰明老師以優美的台語文寫成詩,示範每一個人可以嘗試就地取材的方式進行母語創作,為每一個生活主題寫入故事或詩詞裡,感受深層文化與對生命的延續與體悟。

  要聽所有搶救母語文化系列【台語開講】單元歡迎點選網址 http://goo.gl/xjSD3f

 「齊柏林 君」 [ Tsê Pik-lîm kun ]         文:林聰明
天大聖都甘拜 [ tsê-thian tāi-sìng too-kam-pài ]
松田野劇中排 [ pik-siông tiân-iá kio̍k-tiong-pâi]
木長青除百害 [ lîm-bo̍k tiông-tshing tû-pik-hāi ]
臨天下助英才 [ kun-lîm thian-hā tsōo-ing-tsâi ]
顧眾生傳播愛 [ khuànn-kòo tsiòng-sing thuân-pò-ài ]
聞用心空中來 [ kiàn-bûn iōng-sim khong-tiong-lâi ]
頂飄撇好青睞 [ tâi-tíng phiau-phiat hó-tshing-lāi ]
曲攝影震天涯 [ uan-khiok liap-iánn tsùn-thian-gâi ]

拜[kam-pài]:意指「甘拜下風」 飄撇[phiau-phiat]:瀟灑豪邁之意。

齊柏林 君伊竟然會選擇賣厝,來支持伊空中攝影的支出,真正是為著興趣無惜一切的付出代價,予咱感覺足無簡單的是,這也是予咱臺灣的住民拍開另外一个視野,來看家己居住環境的機會,這種高空觀真直接閣傳神,啥物奇奇怪怪無正常的現象攏會一一現形,當然所有的媠嘛攏會同時呈現出來予咱感覺驕傲啦!
坐佇直昇機頂懸攝影的危險性,是一種咱誠歹想像的境界,而且九死一生所攝影出來的畫面,真有可能足濟攏是無法度使用佇影片內底,必需一擺閣一擺的出勤來收集好的畫面,天氣的配合佮現場誠濟狀況的排除,攏是咱無法度體會的困難,加上既得利益者的反撲佮無善意的恐喝,攏是伊愛去承受的壓力,毋過伊選擇面對共蹽落去,為著予這塊土地的大愛,佮會予咱來感動知影疼惜家己的環境,所以我用藏頭字「齊柏林君看見臺灣」來思念佮紀念伊啦!
「看見臺灣」的窗仔門已經拍開矣!咱毋通予齊柏林 君白白佇空難中來犧牲去啦!!
     

    地球的面冊     文:林聰明
地球用無常來冼伊的面冊
咱用平常心來看待地球的面冊
欲保護地球的面冊
就是愛減少地球用無常
來洗伊的面冊
有時伊會剾風落雪
無注意伊嘛會山崩地裂
千萬毋通就來起怨慼
是咱無聽著伊的警示
咱攏叫是家己上讚上有智慧
其實佇地球的眼中
咱只是伊忍受足久、足久的身軀害蟲啦!

工業的廢水偷偷仔放
山林的原木大量的剉掉
閣踮地球的身軀一直亂挖空縫
共地球身軀內的元素挖–出來
然後僥倖閣放火共燒來收錢趁家伙
舞甲一四界全全烏煙散霧
地球伊已經足疼、足疼的閣毋敢唉出聲

是啥人有遮好的腹腸會當忍受這款的侮辱
是啥人有遮好的修養會當聽好予咱日夜踏
若是你敢欲忍受這款折磨
若是你敢欲閣繼續來恬恬毋敢出聲?
答案應該攏是足清楚的肯定
阮無愛 阮無愛 阮絕對無愛忍受
逐家若是攏無愛 咱欲按怎欲叫地球知影咱心意

請恁好好顧地球的面冊
請逐家用心看顧地球的面冊
咱愛用上大的善意來書寫出地球的面冊
予地球軟心肝 袂凊彩洗掉伊足甘心的面冊
繼續恢復會當萬年久遠
無煩無惱食甲米店倒的地球面冊

「面冊」[ bīn-tsheh ]:facebook。
「剾風」[ khau-hong ]:刮強大的風。
「起怨慼」[ khí-uàn-tsheh ]:怨恨。因為委屈而覺得悲傷、生氣埋怨。
「剉掉」[ tshò-tiāu ]:砍掉。
「空縫」[ khang-phāng ]:細縫、孔穴。
「僥倖」[ hiau-hīng ]:行事不義,有負其他人。另外是有可憐之意。
「家伙」[ ke-hué ]:指財產。
「烏煙散霧」[ oo-ian sàn-bū ]:烏煙瘴氣。
「腹腸」[ pak-tn̂g ]:心胸。
踏」[ thún-ta̍h ]:不知珍惜的用腳踐踏。
「恬恬」[ tiām-tiām ]:安靜無聲。
「軟心」[ nńg-sim ]:心軟。形容感情柔弱,易受外界事物影響而動搖意志。
「凊彩」[ tshìn-tshái ]:隨便、不講究、馬馬虎虎。

Ps.所有的漢字佮拼音攏採用教育部網站所公佈的建議用字

練習多次的您一定會跟靖安一樣,覺得愈讀愈有意思,愈聽愈好聽,愈唸愈有感情,加上靖安一個個問清楚字面的意思,還放上了老師的原文稿,相信有心如您,在欣賞之餘,也樂於將此網址轉貼分享,我們要呼籲正視母語教育,美好的聲音讓我們一起,讓我們每個月的第一個星期三早上10點弘鶯陶網路電台空中再相見!

要聽所有【台語開講】單元歡迎點選網址 http://goo.gl/xjSD3f

教育部閩南語常用詞辭典
http://twblg.dict.edu.tw/holodict_new/index.html

林聰明老師小檔案:台灣國立師範大學台灣文化以及語言文學研究所
現任:新北市鶯歌區昌福國小、建國國小的台語老師、固定於鶯歌陶瓷博物館每週三下午2點導覽志工

林聰明老師臉書 https://www.facebook.com/tshongbing.lim

相關活動消息

詳情請詳參:http://hyt.網路電台.tw/最新消息/

臉書的回響

Leave a comment

你的電子郵件位址並不會被公開。 必要欄位標記為 *