台語開講31~【台灣魂】咱是主人毋是傀儡尪仔


台語開講31~【台灣魂】咱是主人毋是傀儡尪仔 林聰明/盧靖安/金泰瑞/林金德
    弘鶯陶LOGO 弘鶯陶網路電台盧靖安 林聰明老師

訪談大綱

        又到了炎炎熱夏,孩子放暑假的時期,台語說是”歇熱”,就需要大量補充水分,這個季節也可能開始進入缺水的季節,聰明老師特別為日據時代在台建置嘉南大圳有功的八田與一先生,寫下藏頭詩來開場,「嘉南大圳」~藏頭字「嘉南大圳八田與一」,以及向為我們建立自來水道的「濱野彌四郎」先生致敬,聰明老師:「咱祖先過去的耕作定定為著無水誠苦惱喔!甚且為著搶水源頭的用水閣愛拚庄械鬥喔!咱莫講幾期稻作的收成加幾仔倍以上,族群較袂閣拚庄來搶水就功勞大拄天。!」靖安:「這馬咱用水足方便閣好勢,就愛飲水思源頭來感恩才著啦!毋通「恩將仇報」。不分族群,在台灣建設有功的先烈,都值得我們緬懷與尊敬 
這一次套用正氣凜然的”滿江紅”曲調,聆聽由美男聲聰明老師的朗讀與吟唱【台灣魂】,特別感覺台灣人真是值得為台灣本土文化感到驕傲,【講台語當著時】這個節目也已經開播月餘,推動”台語公共電視台”也是最近熱門的議題,期待大家一起響應,將您聽到這麼美的聲音,繼續轉貼分享給親朋好友聽!
   
感謝聰明老師以優美的台語文寫成詩,並且運用朗朗上口的歌謠,示範每一個人可以嘗試就地取材的方式進行母語創作,為每一個生活主題寫入故事或詩詞裡,感受深層文化與對生命的延續與體悟。

          要聽所有搶救母語文化系列【台語開講】單元歡迎點選網址 http://goo.gl/xjSD3f

 「嘉南大圳」 [ ka-lâm tāi-tsùn ]   文:林聰明
惠眾生無簡單 [ kā-huī tsiòng-sing bô-kán-tan ]
國再造保平安 [ lâm-kok tsài-tsō pó-pîng-an ]
型水路田邊等 [ tuā-hîng tsuí-lōo tshân pinn tán ]
溝萬里山中盤 [ tsùn-kau bān-lí suann-tiong-phuân ]
方來雨全全挽 [ pat-hong lâi-ú tsuân-tsuân-bán ]
袂拋荒手結趼 [ tshân buē pha-hng tshiú-kiat-lan ]
咱盛會歸伊管 [ ú-lán sīng-huē kui-i-kuán ]
直讚嘆永流傳 [ it-ti̍t tsàn-thàn íng-liû-thuân ]

全全挽 [ tsuân-tsuân-bán ]:表示水份全部攏吸收。
拋荒 [ pha-hng ]:拋棄荒廢去矣!  結趼[ kiat-lan ]:手長繭。

恁若毋知影起「嘉南大圳」的「八田與一」有偌偉大佮了不起,按呢生中國的「萬里長城」恁應該知影著- -無!「萬里長城」的長度大約是二千五百公里左右,若咱「嘉南大圳」竟然有一萬六千公里以上,上無是中國「萬里長城」足足的六倍長喔!按呢生有小可概念無,若是閣無概念的話,一萬六千公里是會使踅咱台灣外圍「十三輾」,按呢生的建設魄力佮遠見,是毋是足有夠力的長呢?「嘉南大圳」佇滿水位時陣的頂懸會使行船仔喔!逐家緊想看覓仔!

我佇二十幾年前就知影「八田與一」的事蹟佮故事,實在是誠感動人心的無私技師。另外閣有這位「濱野彌四郎」(1869年-1932年),日本千葉縣人,捌擔任台灣總督府土木部技師,譽為「台灣水道之父」。

  因為咱台灣古早定定會為著無水通好淹田種作,嘛攏會為著掘水源頭抾水來互相拚庄相刣,有「漳、泉拚」、「台員、客家拚」等等,攏會拚庄來死足濟、足濟人喔!因為若是無水通好淹田種作,厝內某囝攏愛綴咧枵、餓死亡啦!所以拚庄、相刣真正是為著規家活命來出頭。

  所以若毋是這兩位大功臣,佇日治時代先來台灣發心爭取,並且用心建設好現代化的水利設施;我看蔣介石仔過去傱過來統治台灣的下場,真有可能會比鄭成功的下場閣較悽慘喔!所以我看連伊就愛感念「八田與一」喔!是欲按怎來佮伊相比啦!

  我看紲落遮的無理性的人,可能會去動佇台南山頂的「濱野彌四郎」銅像啦!遮的戇面的若是莫動便罷,便若去振動咱就閣有機會予較濟台灣人來了解,咱愛感恩的人是有過啥物款的功勞喔!銅像也只是銅像爾爾,會當記佇咱人心肝穎仔較重要啦!

台 灣 魂      詞 : 林聰明      Tâi uân hûn (標註台羅拼音)
拍開人類的歷史 無人親像咱遮爾仔灣灣曲曲
蹔開歷史的痕跡 落落濟濟失落的哭聲 無人知影
拆開盤古的神話 啥人才是南島語族的起源
敢會是咱 敢毋是咱 無錯 就是咱徛的土地
恩恩怨怨 敧敧迦迦 奇奇怪怪 分分合合
講會了袂盡的故事 拆袂清的白白賊賊攏佇遮
來就欲共咱洗腦 去就準備予人譬相
真正無一个通好予咱倚靠
愛靠咱家己 毋通閣相信外來的神話
愛靠咱覺醒 毋通閣予人繼續分化
愛靠咱清洗 停踮咱腦中留落的無膽
吼出性命的價值 咻出拍拚的贊聲
請你綴我喝 拜託你綴我唱出魂魄的叫聲

開 天 闢 地 , 在 台 灣 , 四 大 族 群
Khai thian phik tē , tsāi tâi uân, sù tāi tsk kûn

轉 乾 坤 , 團 結 一 致 , 四 海 平 順
tsuán khiân khun, thuân kiat it tì , sù hái pîng sūn

心 胸 開 闊 如 宇 宙 , 互 相 友 愛 更 相 尊
Sim hing khui khuah jû ú tiū , hōo siong iú ài kìng siong tsun

歷 史 恩 怨 全 部 化 解 , 愛 感 恩
Lk sú un uàn tsuân pōo huà kái, ài kám un

重 教 育 , 倡 人 文 , 高 科 技 , 玉 山 雲
Tiōng kàu ik ,tshiòng jîn bûn,ko kho ki , gio̍k san hûn

太 平 洋 , 展 現 海 天 國 本
Thài pîng iûnn, tián hiān hái thian kok pún

名 聲 通 透 五 大 洲 , 誰 人 不 知 台 灣 君
Miâ siann thong thàu ngóo tāi tsiu, suî jîn put ti tâi uân kun

毋 驚 艱 苦 熱 心 公 益 , 台 灣 魂 ………
M̄ kiann kan khóo jit sim kong ik,Tâi uân hûn………

 

過去咱就袂赴參與 將來佇咱手中掌握
無定著的國際政治 烏雲密佈的台海風雲
綴我喝咱欲團結 唱一聲咱無欲膽寒
身命所歸 魂魄所在 佮伊共存亡
生生世世 世世代代 無欲閣予人殖民
阮欲做家己的主人 咱欲對後代做出承諾
無欲予伊閣有流浪他鄉的驚惶 咱愛徛起來
只有咱喝出聲 各族群化敵為友毋免驚
徛踮世界舞臺咱才是勇敢飄撇的
台灣魂~~~

Ps.所有的漢字佮拼音攏採用教育部網站所公佈的建議用字
蹔開 [ tsàm-khui ]:橫踢開之意。 敧敧迦迦 [ khi-khi-khia-khia ]:忐忐忑忑無平順啦!
譬相 [ phì-siùnn ]:尖酸的諷刺、奚落。  倚靠 [ uá-khò ]:投靠、依靠。
停踮 [ thing-tiàm ]:停在那邊。  吼出 [ háu-tshut ]:哭出聲音來。
咻出 [ hiu-tshut ]:喊出聲來。  綴我喝 [ tuè-guá-huah ]:跟著我喊叫。
唱一聲 [ tshiàng-tsi̍t-siann ]:大聲的嗆一聲。 殖民 [ si̍t-bîn ]:就是次次等公民啦!

練習多次的您一定會跟靖安一樣,覺得愈讀愈有意思,愈聽愈好聽,愈唸愈有感情,加上靖安一個個問清楚字面的意思,還放上了老師的原文稿,相信有心如您,在欣賞之餘,也樂於將此網址轉貼分享,我們要呼籲正視母語教育,美好的聲音讓我們一起,讓我們每個月的第一個星期三早上10點弘鶯陶網路電台空中再相見!

要聽所有【台語開講】單元歡迎點選網址 http://goo.gl/xjSD3f

教育部閩南語常用詞辭典
http://twblg.dict.edu.tw/holodict_new/index.html

林聰明老師小檔案:台灣國立師範大學台灣文化以及語言文學研究所
現任:新北市鶯歌區昌福國小、建國國小的台語老師、固定於鶯歌陶瓷博物館每週三下午2點導覽志工

林聰明老師臉書 https://www.facebook.com/tshongbing.lim

相關活動消息

詳情請詳參:http://hyt.網路電台.tw/最新消息/

臉書的回響

Leave a comment

你的電子郵件位址並不會被公開。 必要欄位標記為 *