台語開講30~用母語唱出不一樣的【畢業】歌曲


台語開講30~用母語唱出不一樣的【畢業文】 林聰明/盧靖安
    弘鶯陶LOGO 弘鶯陶網路電台盧靖安 林聰明老師

訪談大綱

        又到了鳳凰花開每年的6月畢業季,你們家有畢業生嗎?搶救母語文化系列台語開講來到第30集,聰明老師在12年前母語教材較沒有那麼多元豐富的當時,為即將畢業的孩子寫下【畢業】這首詞並且哼唱譜曲,將在這一集節目中獻給所有的畢業生,也歡迎師生們可以自由取用,用母語來一段不同以往的畢業致詞,吟唱出不同凡響的氛圍,祝福所有的畢業生,前程似錦!

        照例以一首聰明老師所寫的詩來開場「狗頭」~藏頭字「沉思狗頭愛想啥物」來開講,以【畢業】這首歌來回憶童年。
        以狗頭一詞想到狗頭軍師,以小犬聯想到時下毛孩就像人們自己的小孩一樣的幸福,多甘之如飴的狗奴才也需注意到環境的衛生,聰明老師也開始提問主持人靖安:「喙覕覕」、「狗岫」、「喊我」、「開脾」到底是啥物意思?「佮意」、「同窗」、「滾耍笑」、「練痟話」、「走傱」、「向望」、「黏黐黐」、「滾絞」這八个語詞要怎麼解說

聰明老師:「最後聽煞毋知有共各位聽眾引tshuā轉去恁的囡仔時代無?有閒愛較捷佮恁的同窗定定聯絡,尤其是用家己的母語來回憶過去的往事,一定是滋味足甜足甜的啦!」
         
感謝聰明老師以優美的台語文寫成詩,並且運用朗朗上口的歌謠,示範每一個人可以嘗試就地取材的方式進行母語創作,為每一個生活主題寫入故事或詩詞裡,感受深層文化與對生命的延續與體悟。

          要聽所有搶救母語文化系列【台語開講】單元歡迎點選網址 http://goo.gl/xjSD3f

      「狗頭」 文 : 林聰明
靜優雅喙覕覕 [ tîm-tsīng iu-ngá tshuì-bih-bih ]
念主人來分離 [ su-liām tsú-lâng lâi hun-lî ]
岫鼻無親切味 [ káu-siū phīnn-bô tshin-tshiat-bī ]
家喊我袂使皮 [ thâu-ke hiàm-guá buē-sái-phî ]
睏就睏地像椅 [ ài-khùn tō-khùn tē tshiūnn-í ]
東想西隨開脾 [ siūnn-tang siūnn-sai suî-khui-pî ]
物人來攏倚去 [ siánn-mi̍h lâng-lâilóng-uá–khì ]
若好食笑嘻嘻 [ mi̍h nā-hó-tsia̍h tshiò-hi-hi ]

喙覕覕 [ tshuì bih-bih ]:嘴巴閉起來。 狗岫 [ káu-siū ]:狗窩。
喊我 [ hiàm-guá ]:呼喊指使我。開脾 [ khui-pî ]:開胃。
毋知影伊是好性地抑是主人gâu牽教,恬恬覆佇石桌仔跤攏袂起歹,目睭瞌瞌心思重重的表情,予人氣質真優雅的感覺,這是咱台灣土狗仔的一號表情,嘛可能是遊客濟甲予伊感覺無希罕矣!
石桌椅仔跤就自在的覆佇遐,管恁啥人共伊看,你做你,我做我,咱人欲哪會知影狗仔的心思世界啦!就是踮狗仔厝揣無好所在通好曝日頭,毋才會跔佇遮曝日兼等主人提好物仔轉來揣伊啦!
除非咱提好物仔來共伊唌,無- -我遐爾仔倚共翕相,和看嘛毋共我看,身軀邊就無紮啥物好食物通好共巴結,無- -我想伊應該是會爬起來搖尾溜喔!藏頭字毋才會用「沉思狗頭愛想啥物」來佮伊趣味呼應啦!

        畢 業             文:林聰明
是準備結束!
嘛是欲開始展開另外一个人生的旅途
無人會佮意離別的感覺
毋過畢業真正是喜事
愈倚近就會愈情感多變
有淡薄仔講袂清的心思無定
敢會因為離開來變做另外的相思
老師雜唸的關懷 佮無私的傳授 攏是愛
同窗會當自由的來來去去
無煩無惱的滾耍笑、練痟話
敢會誠做咱夢中陣陣的笑聲
也通好化解咱將來可能無緣再相見的記持
然後經過多年的數念
才來化做陣陣無奈回憶的畫面
啊! 攏是過程啦!
也有淡薄仔無奈!
敢會是緣盡的傷悲!
毋管天邊海角的走傱
向望閣再見面攏會是活跳跳
冷冷冰冰的教室
敢閣會有咱黏黐黐的汗水滴落的氣味
透風落雨的學校
敢閣會有逐家喝咻~滾絞~吼叫~的應聲
威嚴閣有形的校長
敢會一直坐踮遐 斟酌咱出社會的表現
實在是毋敢想傷濟 嘛毋敢有悲意
只是希望化做咱生命會當感動的雨絲
一點一滴 點點滴滴
幻化做歌聲來想恁~~~

(歌曲)
學 校 是 上 單 純 的 所 在
千 金 萬 金 買 袂 著 伊 重 來
學 校 是 上 古 錐 的 所 在
日 思 夜 夢 較 想 嘛 囡 仔 時 代
學 校 晟 阮 捌 事  袂 變 歹
踅 踅 唸 的 老 師 足 驚 阮 毋 知
學 校 教 育 阮 變 做 人 才
今 仔 日 離 別  袂 使 流 目 屎
因 為 老 師 會 毋 甘
佮 阮 畢 業 講……bye-bye !
學 校 教 育 阮 變 做 人 才
今 仔 日 離 別  袂  使 流 目 屎
因 為 老 師 會 毋 甘
佮 阮 畢 業 講……bye-bye !
學 校 教 育 阮 變 做 人 才
今 仔 日 離 別 袂 使 流 目 屎
因 為 老 師 會 毋 甘
佮 阮 畢 業 講……bye-bye !
學校、校長、老師、同窗……bye-bye !
學校、校長、老師、同窗……bye-bye !

(尾聲)
沓沓滴滴有了時 美妙情境化無邊
千聲萬語訴不盡 化做雨絲傳心意
咱會有緣來做同窗
絕對也是前世有做伙修行的福氣
望咱逐家繼續學習的人生旅程
畢業也只是部份形式階段性的完成
將來無盡、無邊的終身學習才是咱的目標
等待百年身命的時機到矣!
沓沓仔~ 漸漸仔~ 勻勻仔~ 慢慢仔~
自然來老~ 去~
我想~ 這才是咱人生~ 真正的畢業~

Ps.所有的漢字佮拼音攏採用教育部網站所公佈的建議用字
佮意 [ kah-ì ] :中意。喜歡、滿意。 愈倚近 [ lú-uá-kīn ] :愈來愈靠近。
同窗 [ tông-tshong ] : 同學。指在同一個班級中或學校裡一起求學的伙伴。
滾耍笑 [ kún-sńg-tshiò ] : 戲謔、開玩笑。以言語動作來捉弄人。
練痟話 [ liān-siáu-uē ] : 胡說八道、隨便亂說話。
敢會誠做 [ kám-ē-tsiânn-tsò ] :真的會變成?  記持 [ kì-tî ] : 記憶、記性。
數念 [ siàu-liām ] : 想念、掛念、懷念。 走傱 [ tsáu-tsông ] : 奔波忙碌。
向望 [ ǹg-bāng ] : 盼望、希望。 黏黐黐 [ liâm-thi-thi ] : 黏答答。形容黏黏溼溼的樣子。 喝咻 [ huah-hiu ] : 大聲叫嚷。 滾絞 [ kún-ká ] : 翻騰、掙扎、滾動,扭絞。
吼叫 [ háu-kiò ] : 哭泣。通常指哭出聲音來。 坐踮遐 [ tsē-tiàm-hia ] : 坐在那邊。
斟酌 [ tsim-tsiok ] : 形容做事小心謹慎。 想傷濟 [ siūnn-siunn-tsē ] :想太多了。
上古錐[ siōng-kóo-tsui ] : 最可愛。 囡仔[ gín-á ] : 小孩子。
晟阮捌事 [ tshiânn-gún-bat-sū ] : 扶養、教育我們能夠懂事。
踅踅唸 [ se̍h-se̍h-liām ] : 喋喋不休。一直重複嘮叼不停,說來說去都是說一樣的話。 百年身命 [ pah-nî-sin-miā ] :表示一輩子的壽命。 沓沓滴滴 [ ta̍p-ta̍p-tih-tih ] :瑣碎、繁雜。
沓沓仔 [ ta̍uh-ta̍uh-á ] : 慢慢地。 勻勻仔 [ ûn-ûn-á ] : 慢慢地、謹慎小心地。

練習多次的您一定會跟靖安一樣,覺得愈讀愈有意思,愈聽愈好聽,愈唸愈有感情,加上靖安一個個問清楚字面的意思,還放上了老師的原文稿,相信有心如您,在欣賞之餘,也樂於將此網址轉貼分享,我們要呼籲正視母語教育,美好的聲音讓我們一起,讓我們每個月的第一個星期三早上10點弘鶯陶網路電台空中再相見!

要聽所有【台語開講】單元歡迎點選網址 http://goo.gl/xjSD3f

教育部閩南語常用詞辭典
http://twblg.dict.edu.tw/holodict_new/index.html

林聰明老師小檔案:台灣國立師範大學台灣文化以及語言文學研究所
現任:新北市鶯歌區昌福國小、建國國小的台語老師、固定於鶯歌陶瓷博物館每週三下午2點導覽志工

林聰明老師臉書 https://www.facebook.com/tshongbing.lim

相關活動消息

詳情請詳參:http://hyt.網路電台.tw/最新消息/

臉書的回響

Leave a comment

你的電子郵件位址並不會被公開。 必要欄位標記為 *