台語開講29~母親節用阿母的話獻歌【仝心的母囝名】


台語開講29~母親節用阿母的話獻歌【仝心的母囝名】林聰明/盧靖安
    弘鶯陶LOGO 弘鶯陶網路電台盧靖安 林聰明老師

訪談大綱

          佇一開始靖安踏話頭先念出聰明老師的作品「蜜蜂」,藏字頭是「蜜蜂採花是誠無閒」,親像24小時待命服務的母親一樣,裡裡外外如此忙碌,也為世界公定之每年五月份第二週為母親節來做引言,”五月節”在此靖安想說的是母親節,差點就變成了五月的”肉粽節”,這一差可遠了,還好有老師立即指導,不然可鬧笑話了!
          聰明老師在台語開講29集裡:「祝福全天下的阿母攏會當歡歡喜喜過日子,所以這首「仝心的母囝名」欲獻予全天下的阿母,內底仝款有前言接後語,清唱的歌詞就囥佇中央,無- -我就先來朗讀兼清唱作品了後,咱才來繼續開講落去!」
這一首
「仝心的母囝名」是林聰明老師在15年前的自創曲,加上前言後語,真是道盡為母的心聲,也期望母子連心,能行出一世人,仝心的母囝名)。
         「仝心」、「起趒」、「晟養」是啥物意思呢?
咱生日的時候,不管是現代的雞卵糕,或者是古早的
煠卵煮豬跤麵線」,母親總是記得這特別的一天,但孩子也要想一想這一天也是母親的受難日,是不是也應該趁這個機會表達對母親的感恩!今年是閏年,有個習俗要給娘家母親準備吃豬跤麵線」又有什麼樣特別的含意呢?把握能夠在父母身邊的時間,祈福她們身體健康,會當跤手足扭掠無所障礙,聽我們吟唱著【仝心的母囝名】,我們也藉著聰明老師的自創歌曲祝福全天下的母親,平安快樂!


       「蜜蜂」 文 : 林聰明
蜂骨力無話講 [ bi̍t-phang kut-la̍t bô-uē-kóng ]
岫藏有女蜂王 [ phang-siū tshàng-ū lú-phang-ông ]
集花粉四界挵 [ tshái-tsi̍p hue-hún sì-kè-lòng ]
蕊當豔阮當傱 [ hue-luí tng-iām guán-tng-tsông ]
按怎欲遐爾戇 [ sī-án-tsuánn beh hiah-nī-gōng ]
心奉獻起新房 [ sîng-sim hōng-hiàn khí-sin-pông ]
暝無日後代旺 [ bô-mî bô-ji̍t āu-tāi-ōng ]
像伴娶助新郎 [ îng tshiūnn phuānn-tshuā tsōo-sin-lông ]

骨力 [ kut-la̍t ]:努力、認真。 蜂岫 [ phang-siū ]:蜂窩。 四界挵 [ sì-kè-lòng ]:四處闖蕩。 阮當傱 [ gún-tng-tsông ]:我們正忙碌。 遐爾戇 [ hiah-nī-gōng ]:那麼的笨。
講來是誠心適,咱普通時仔欲共昆蟲翕相是誠困難,因為你一倚去伊就走矣!結果這改我根本無欲翕蜜蜂,我只是欲用手機仔掠近翕相,看梅花會使翕偌清楚爾爾,結果兩遍是攏等欲翕相的時,蜜蜂自動入鏡啦!
既然你敢來予我翕,我當然就無客氣共你掠入來鏡頭,看伊真無閒的形,大概是無共咱人看在眼內,伊只是煩惱採有蜜- -無?這蕊若採無換別蕊就好,嘉義梅山公園的花是滿滿是啦!
講嘛是有影,這蕊採無換別蕊就好,咱人生敢毋是按呢生,有當時仔傷執著欲創啥物,結果就是毋按照咱的意願,有當時仔就像欲幫蜜蜂足近來翕相,遐爾困難的代誌,結果咱這足肉跤的跤手,竟然凊彩就掠就角度入鏡,是毋是真神奇呢?這擺我用「蜜蜂採花是誠無閒」來藏字頭佮伊相呼應。
          要聽所有搶救母語文化系列【台語開講】單元歡迎點選網址 http://goo.gl/xjSD3f

 

         仝 心 的 母 囝 名     詞/曲 : 林聰明
(前言口白)
若開喙會使丹田拚命喝甲大、細聲 
雙跤若起趒 嘛會使顧囝逐甲怦怦喘
毋管囡仔是偌毋是款 伊攏會tsha̍p-tsha̍p唸 
閣誠有耐心來共晟養
日子是一工一工過 囡仔是一工一工大
若別人是煩惱無夠 阿母是專工煩惱來鬥
有時看囝若是愛哭閣愛綴路 
伊就足驚伊是毋是會進無步退嘛無路
若是操煩囝兒無平安 
是會入廟雙跤就跪、磕頭就下願
定定閣愛忍受囝兒起性地來佮伊大、細聲 
總是目屎準飯吞閣趕緊拭予焦 
紲落嘛是繼續疼囝的心情
絕對袂放袂記得囝兒的生日 
若毋是現代的雞卵糕 
無就是古早的煠卵兼豬跤麵線
伊家己的生日煞攏毋捌提起來講予囝兒聽
過去若會拍囝是驚囝來變毋成囝 
罵囝其實嘛是罵無影
逐个囡仔伊攏嘛是惜命命 
隔頂工又閣是蕃薯糖、胡椒餅 
世間爸、母的親恩準若是講會了 
嘛絕對是予咱永遠還袂完的啦!
無- -今就予我先來唸出心聲
紲落才來輕輕唱出歌聲

(吟唱)
阮 自 細 漢 妳 就 共 阮 疼 命 命
阮 足 愛 妳 親 切 的 聲
過 去 無 暝 無 日 替 阮 捙 拚
毋 管 媠 䆀 妳 攏 足 疼
(副歌愛唱兩擺)
干 焦 掣 、 干 焦 驚
煩 惱 阮 歹 路 毋 通 行
千 萬 毋 通 做 歹 囝
將 來 才 有 好 名 聲
知 影 妳  愛 阮 凡 事 一 定 贏
妳 講 的 攏 一 定 聽
阮 只 求 阿 母 身 體 愛 勇 健
佮 阮 行 出 一 世 人
仝 心 的 母 囝 名

(後語口白)
咱會當來世間做人就已經是真難得 
閣會當做母仔囝更加是無簡單
人講母佮囝敢真正是會當心連心?
其實也只是一種過渡夢幻的期待
實際上是會當生得囝身 
根本無法度生得囝心啦!
囝兒若無法度三不五時守佇身軀邊 
是啥人欲來替爸、母看頭、看尾
阮也只是祈求天公伯仔
儘量予世間每一位偉大的爸、母 
攏會當身體足勇健
予伊若想欲去創啥 
攏會當跤手足扭掠無所障礙
閣會當看所有的囝兒序細平安來大漢 
然後才綴伊慢慢仔、慢慢仔 
無病、無疼來老- -去!
仝心也只是過程 
仝心就會有所期待 
仝心嘛會當化做滿~滿~滿~
囝兒序細踮心肝穎仔內~~~
對爸、母上蓋真的祝福~~~~~!

Ps.所有的漢字佮拼音攏採用教育部網站所公佈的建議用字
仝心 [ kāng-sim ] : 相同、無差異的心思。
喝甲大細聲 [ huah-kah-tuā-sè-siann ] :大小聲的喊叫。
雙跤若起趒 [ siang-kha nā-khí-tiô ] :雙腳若動起來。
逐甲怦怦喘 [ jiok-kah-phēnn-phēnn-tshuán ] :追到上氣不接下氣。
tsha̍p-tsha̍p唸 [tsha̍p-tsha̍p-liām ] :嘴巴不停的叨念著。
晟養 [ tshiânn-ióng ] :撫養。愛哭閣愛綴路 [ ài-khàu koh-ài-tuè-lōo ] :跟屁蟲偏偏又愛哭。
磕頭 [ kha̍p-thâu ] :瞌頭跪拜。 拭予焦 [ tshit-hōo-ta ] :擦乾。
紲落 [ suà – -l o̍h] :接著下去。 煠卵 [ sa̍h-nn̄g ] :蒸蛋。
毋成囝 [ m̄-tsiânn-kiánn ] :不成材的人。 媠䆀 [ suí-bái ] :美醜。
干焦掣 [ kan-ta-tshuah ] :只在那邊提心吊膽。
三不五時 [ sam-put-gōo-sî ] :不定時、頻率不固定的時間。
跤手足扭掠 [ kha-tshiú tsiok-liú-lia̍h ] :手腳很靈活。 綴伊 [ tuè-i ] :跟著他。
囝兒序細 [ kiánn-jî-sī-sè ] :兒子及後輩們。 心肝穎仔[ sim-kuann-ínn-á ] :內心最深處。

練習多次的您一定會跟靖安一樣,覺得愈讀愈有意思,愈聽愈好聽,愈唸愈有感情,加上靖安一個個問清楚字面的意思,還放上了老師的原文稿,相信有心如您,在欣賞之餘,也樂於將此網址轉貼分享,我們要呼籲正視母語教育,美好的聲音讓我們一起,讓我們每個月的第一個星期三早上10點弘鶯陶網路電台空中再相見!

要聽所有【台語開講】單元歡迎點選網址 http://goo.gl/xjSD3f

教育部閩南語常用詞辭典
http://twblg.dict.edu.tw/holodict_new/index.html

林聰明老師小檔案:台灣國立師範大學台灣文化以及語言文學研究所
現任:新北市鶯歌區昌福國小、建國國小的台語老師、固定於鶯歌陶瓷博物館每週三下午2點導覽志工

林聰明老師臉書 https://www.facebook.com/tshongbing.lim

相關活動消息

詳情請詳參:http://hyt.網路電台.tw/最新消息/

臉書的回響

Leave a comment

你的電子郵件位址並不會被公開。 必要欄位標記為 *