台語開講28~石虎藏頭【鶯歌鳥飛飛飛】吟唱傳奇


    弘鶯陶LOGO 弘鶯陶網路電台盧靖安 林聰明老師

訪談大綱

        「石虎傳奇敢是山貓」[tsio̍h-hóo thuân-kî kám-sī suann-niau]
          靖安踏話頭先念出聰明老師的作品「石虎」一遍,藏字頭是「石虎傳奇敢是山貓」,為我們的生態與保育動物發聲,聰明老師:「我嘛是看著南投集集鎮有一支拍出石虎的紀錄片,予我足感動的內容,而且是全台語配音,連字幕嘛差不多攏是教育部公佈的台語漢字啦!逐家會使看咱網頁連結點入去了解看覓矣啦!」(文章內容有連結網頁)
          再來是老師的新作,簡短精要的講述台灣歷史,並用鶯歌鳥的角度來看台灣,除了用日語歌”淚光閃閃”,套曲來唱的華語歌手五佰也唱”陪我看日出”與黃品源唱台語版的”白鷺鷥”,今天在節目中聰明老師終於開金嗓,親自吟唱套用”淚光閃閃”的曲調,唱出【鶯歌鳥飛飛飛】,加上尾聲強而有力的為搶救母語文化請命!

上重要的是 絕對毋通閣來出賣家己靈魂的母語
因為文化的母語 是仝族群欲轉去祖靈故鄉
獨一無二袂背祖 會當通關的口令
閣是唯一的~ 救命咒語~

         感謝聰明老師以優美的台語文寫成詩,並且運用朗朗上口的歌謠,示範每一個人可以嘗試就地取材的方式進行母語創作,為每一個生活主題寫入故事或詩詞裡,感受深層文化與對生命的延續與體悟。

          要聽所有搶救母語文化系列【台語開講】單元歡迎點選網址 http://goo.gl/xjSD3f

「石虎傳奇敢是山貓」[tsio̍h-hóo thuân-kî kám-sī suann-niau]    文:林聰明
虎像貓無成虎,[tsio̍h-hóo tshiūnn-niau bô-sîng-hóo]
威若展響山埔;[hóo-ui nā-tián hiáng-suann-poo]
出車禍佇大路,[thuân-tshut tshia-hō tī-tuā-lōo]
妙物種有用途;[kî-miāu bu̍t-tsíng ū-iōng-tôo]
若生態愛保護,[kánn-ná-sing-thài ài-pó-hōo]
好是䆀原生模;[sī-hó sī-bái guân-sing-bôo]
林田野替咱顧,[suann-nâ tiân-iá thè-lán-kòo]
咪古錐莫賰圖。[niau-mi kóo-tsui mài-tshun-tôo]
是好是䆀 [ sī-hó sī-bái]:是好是壞。 莫賰圖 [mài-tshun-tôo]:別只是剩下圖片供人欣賞。
雄雄去看著石虎煞毋知影伊佮一般的貓仔,抑是野生的貓仔,是欲按怎來做分別啦!毋過,看完影片了後就感覺伊的叫聲、氣勢、跤手猛掠程度,佮一般貓仔攏無啥仝款,嘛無可能像家貓遐爾仔溫純、司奶,腹肚枵的時,絕對袂來共咱喵喵叫兼共咱踅跤鑢身軀啦!全台灣賰五百隻爾爾,閣來敢會親像「雲豹」仝款,予咱顧甲真正絕種去,就看咱按怎來付出心力保育囉!我用藏頭字「石虎傳奇敢是山貓」來佮伊趣味呼應,希望毋管是山貓抑是石虎,攏會當自自由由的生活佇咱台灣的山林之中,變做咱生態自然的守護者啦!「僅存500隻之台灣石虎。小石虎返家之路」(請連結如右網址)http://taigi.tw/?p=10224 
紹介這支影片難得用全台語來旁白,雖罔台文用字無全部採用教育部建議用字,毋過,已經是真gâu囉!閣有旁白者佇其中一隻小石虎名的稱呼,共「集利」的發音發做吉
利[kiat-lī]、及利[ki̍p-lī],有時閣會發正確的[tsi̍p-lī],感覺著真困擾啦!哈哈哈哈哈哈!
歹勢啦!我這是職業反應喔!p.s.恁欲看台文的字幕,恁愛會記得下跤家己去設定喔!

鶯歌鳥飛飛飛       文:林聰明

掰開天光時的雺霧 風是勻勻仔吹
無人敢踏跤到的所在 佇遐唯我獨尊
幾仔萬年來 我是涼勢仔、涼勢過日子
一直到南島語系的平埔族佮高山族 順勢來捋過我的目睭前
予帆船載著葡萄牙數想的贊聲 喝出著ILHA FORMOSA
西班牙的火銃子 足貪心的捽過我身軀邊的北手爿
佔南爿的荷蘭紅毛大砲 衝來嚇走著驚的西班牙
大清帝國和鄭氏的恩恩怨怨 根本佮恁就無啥底代
結局煞予單純的台窩灣少女 癡情來吼唱著安平追想曲
千里之外莫明奇妙的甲午戰爭 煞共恁割讓予日本帝國
橫逆殘酷的大和民族敢會是報應 才會來去承著彼兩粒原子炸彈 
等美軍來空襲轟炸了後煞就愛佮恁講 さようなら再會啦!
佇中國著跋來抾著好空的國民政府 真正是攏袂曉來珍惜
不幸來發生二二八衝突了後的白色恐怖 悲劇演了實在是誠殘忍
我只是一隻看盡繁華 替恁抱不平的石頭鳥仔
干焦會當事後講予恁來聽 偷偷仔講出著我的心聲
若是真正會當予我飛出去 少~缺是我會當四界歇睏的所在
無- -今就借著這个機緣 對上倚近我的鶯歌地界講起
請恁先來聽我慢慢仔唸出歌詞 才閣來哼~出歌聲~

(以下套用”淚光閃閃”曲調)
三工來 落大雨 就愛借米 (第一段)
燒粗瓷 換白米 飼袂飽枵袂死
三工來 出日頭 就來搬戲
鶯歌老街 烏煙 就漸漸來分離
我敢是 彼隻跍踮山腰的鶯歌鳥
想欲來 飛出去天~邊
戇戇踮 雺霧中看過來、看過去
等待著妳 揣袂著伊
毋知影 當時才欲放我飛去天邊

尖山堆 出好塗 白馬傳奇   (第二段)
孝子來 牽白馬 有孝就綴伊去
碧龍宮 好地理 龜公神奇
大漢溪水流聲 渡船頭來撐起
我親像 彼隻跍踮山腰的鶯歌鳥
想欲來 飛出去天~邊
戇戇踮 雺霧中看過來、看過去
思念著妳 看袂著伊
趕緊放我 飛出去走揣我的春天

(副歌)
我按怎 變做跍踮山腰的鶯歌鳥
想欲來 飛出去天~邊
飛上天 的心願囥咧心肝千萬年
三聲飛、飛、飛 五聲飛、飛、飛
上好飛出太空來佮月娘唸情詩
三聲飛、飛、飛 五聲飛、飛、飛
上好飛出太空 來佮月娘唱情詩

(歌聲結束~來講出伊的尾聲)
石頭鳥身軀嘛毋是真正自由的我 欲共戇面、戇面的恁講
千萬毋通凊凊彩彩 烏白共恁的自由之身來出賣
自自由由清白之身 是勝過家財萬貫金
上重要的是 絕對毋通閣來出賣家己靈魂的母語
因為文化的母語 是仝族群欲轉去祖靈故鄉
獨一無二袂背祖 會當通關的口令
閣是唯一的~ 救命咒語~
                 解說:林聰明
Ps.所有的漢字佮拼音攏採用教育部網站所公佈的建議用字
掰開 [ pué-khui ]:撥開。 勻勻仔 [ ûn-ûn-á ]:慢慢的。
涼勢 [ liâng-sè ]:輕輕鬆鬆。  捋過 [ luah-kuè]:平順掠過之意。
數想 [ siàu-siūnn]:妄想。  捽過 [ sut–kuè ]:鞭打之意。
底代 [ tī-tāi ]:何事、什麼事。台窩灣 [ tâi-o-uan ]:平埔族「台灣」的古地名發音。
承著 [ sing-tio̍h ]:承受、接到。 さようなら[sa-io-ná-nà]:日文。再見之意。 
著跋 [ tio̍h-pua̍h]:失足、跌倒。  抾著[ khioh-tio̍h ]:撿到。
粗瓷 [tshoo-huî ]:陶。 枵 [ iau ]:餓。 跍踮[ khû-tiàm ]:蹲在那。
戇戇 [ gōng-gōng ]:傻呼呼的。  雺霧 [ bông-bū ]:山嵐、雲霧。
揣袂著 [ tshuē-buē-tio̍h ]:找不到。  綴伊去 [ tuè-i-khì ]:跟他走。
囥咧 [ khǹg-teh ]:放那裡。走揣 [ tsáu-tshuē ]:尋找。佮 [ kah ]:跟
少缺 [ tsió-khueh ]:多的是喔!反詰之語。 戇面 [ gong-bīn ]:傻呼呼的臉。
干焦[ kan-tann ]:僅只有。 凊凊彩彩[tshìn-tshìn tshái-tshái ]:隨隨便便的。
白馬傳奇:傳說尖山堆是白馬富穴(龍珠窒口穴),也常常有人在深夜,看到一頭白馬跑到人家的古井偷喝水,民間相傳被孝子牽走。
龜公神奇:傳說日治時期因為爆發二次世界大戰,被美國空軍及中華民國空軍共同來台北大轟炸,卻有龜石助來不及逃難的人防空避難的故事,以及後來在民間口耳相傳龜石旁的藥草竟然具有療效。

練習多次的您一定會跟靖安一樣,覺得愈讀愈有意思,愈聽愈好聽,愈唸愈有感情,加上靖安一個個問清楚字面的意思,還放上了老師的原文稿,相信有心如您,在欣賞之餘,也樂於將此網址轉貼分享,我們要呼籲正視母語教育,美好的聲音讓我們一起,讓我們每個月的第一個星期三早上10點弘鶯陶網路電台空中再相見!

要聽所有【台語開講】單元歡迎點選網址 http://goo.gl/xjSD3f

教育部閩南語常用詞辭典
http://twblg.dict.edu.tw/holodict_new/index.html

林聰明老師小檔案:台灣國立師範大學台灣文化以及語言文學研究所
現任:新北市鶯歌區昌福國小、建國國小的台語老師、固定於鶯歌陶瓷博物館每週三下午2點導覽志工

林聰明老師臉書 https://www.facebook.com/tshongbing.lim

相關活動消息

詳情請詳參:http://hyt.網路電台.tw/最新消息/

臉書的回響

Leave a comment

你的電子郵件位址並不會被公開。 必要欄位標記為 *