台語開講24~唱談得獎作品創作【土能生塗塗中有土】


台語開講24~唱談得獎作品創作【土能生塗塗中有土】林聰明/盧靖安
    弘鶯陶LOGO 弘鶯陶網路電台盧靖安 林聰明老師

訪談大綱

首獎   「土」(塗)[thóo/thôo] —「土能生塗塗中有土」。

金獎  「新人類紀元」[sin jîn-luī kì-guân」 —「新人類紀元愛相隨」。

銀獎 「絕對零度的直白」[ tsua̍t-tuì lîng-tōo ê ti̍t-pe̍h —「絕對零度就是直白」。

銅獎 「不久前的昔日頌」[ put-kiú-tsiâng ê sik-ji̍t-siōng ]  –「昔日頌就佇不久前」。

           搶救母語文化系列~台語開講第24集一樣精彩可期,除了聰明老師在為鶯歌陶博館正在展出的【2016台灣國際陶藝雙年展-陶觀】作品寫下八句聯,以藏頭詩來做分享,也要跟聽眾朋友提醒這個展只到106年1/2截止,聽完這一集,想要感受聰明老師親自帶您導覽的朋友,要在每周三的下午2點前於陶博館預約登記喔!

          以優美的台語文寫成詩詞,並且運用朗朗上口的歌謠,示範每一個人可以嘗試就地取材的方式進行創作。聰明老師說:「好的文化佮藝術愛靠咱家己較儼硬來維持啦!雖然咱足微小無力量,毋過只要咱莫停止追求夢想,佇將來才有可能實現咱的向望,咱的語言文字是遮爾仔樸實、優雅有內涵,千萬就毋通予伊斷佇咱這代啦!咱會變做是千古的罪人,我毋是咧講笑!身邊已經咧發生!死亡中的語言!」主持人靖安也放膽以「台東人」這首曲子來套唱,邀請您一起來試試,聽完有可能會起肉波(雞皮疙瘩),但愈聽愈有味兒,靖安的意思是我都可以了,大家也可以試試,而且如果再加能夠一親一語,請別放棄您的母語傳承,因為駑鈍的主持人靖安也已經強烈地感受到了母語的斷層已在發生,邁向死亡也是必然….因此,感謝您的支持與愛護,繼續將本節目網址轉貼分享,每個月第一週的週三早上10點,我們在弘鶯陶網路電台首播再相見。

          要聽所有搶救母語文化系列【台語開講】單元歡迎點選網址 http://goo.gl/xjSD3f
          靖安分得清楚”土”和”塗”的講法和用法,聰明:「主持人足好的記持,攏記佮「牢牢牢」啦!咱這「三疊詞」是全世界獨一無二的表達方式,干但咱這口灶才有啦!毋信逐家會使凊彩抾一字來講三疊詞試看覓矣!」台語文字僅一個字,就能透過音調起伏,感受力可是十足生動,真是非常特別!
首獎 「土」(塗)[thóothôo]              文:林聰明
    土地恬恬顧人命 [ thóo-tē tiām-tiām kòo-lâng-miā ]
    能化萬物袂出聲 [ lîng-huà bān-bu̍t buē-tshut-siann ]
    生湠結子來拍拚 [ senn-thuànn kiat-tsí lâi phah-piànn ]
    塗黏人心共咱晟 [ thôo-liâm lâng-sim kā-lán-tshiânn ]
    塗塗塗只是幻影 [ thôo-thôo-thôo tsí-sī huàn-iánn ]
    中間考驗莫著驚 [ toing-kan khó-giām mài-tio̍h-kiann ]
    有情世界出好囝 [ iú-tsîng sè-kài tshut-hó-kiánn ]
    土土心就愛定 [ thóo-thóo-thóo sim tō ài tiānn]
恬恬[tiām-tiām]:安靜、無聲。生湠[senn-thuànn]:繁衍、孕育。 [tshiânn]:扶養。
拍拚[phah-piànn]:努力、用功。 塗塗塗[thôo-thôo-thôo]:事情搞得一蹋糊塗。
土土土[thóo-thóo-thóo]:很粗魯、沒禮貌的意思。
          其實「塗」是有經過處理的,親像「黏塗」的性是培養來的,「土」是大地自然生成的,親像「土地」無人加工的自然性,華文分袂出「土」[thóo] 佮「塗」[thôo]的差別,台文是分佮足清楚閣自然啦!這擺是用「土能生塗、塗中有土」來藏頭啦!
         這是另外一位國際雙年展首獎的作者吳育霈的作品,伊用兩種較大量的釉,來敆少量的「塗粉」落去燒窯,所得著的一種誠特別的效果,聽伊講主要的靈感來自咱台灣的礤冰[tshuah-ping](俗寫剉冰),親像食礤冰的冰若是溶去,就會留下五花十色的材料,所以少量的塗粉若是溶佇大量的「釉」[iu]內底,就會呈現出你現此時看著的效果,這到底是啥物款的「釉」?這當然是作者伊家己的秘方囉!瓷仔實在是足趣味,趕緊家己來鶯歌瓷仔博物館現場看作品會較實在啦!
金獎 「新人類紀元」[sin jîn-luī kì-guân]                     文:林聰明
      時代放棄相害 [ sin sî-tāi hòng-khì sio-hāi ]
      心佇腹看未來 [ lâng-sim tī pak khuànn-bī-lâi ]
      似初心只有愛 [ luī-sū tshoo-sim tsíūài ]
      念盤古拄牢胎 [ kì-liām phuân-kóo tú-tiâu-thai]
      神出竅遊四海 [ guân-sîn tshut-khiàu iû-sù-hái ]
      護眾生巧安排 [ ài-hōo tsiòng-sing khá an-pâi ]
      讓互助袂凊彩 [ sio-niū hōo-tsōo buē tshìn-tshái ]
      緣順喜笑咍咍 [ suî-iân sūn-hí tshiò-hai-hai ]
拄牢胎 [ tú-tiâu-thai ]:剛剛受孕的期間。
袂凊彩 [ buē-tshìn-tshái ]:不會隨隨便便。
笑咍咍 [ tshiò-hai-hai ]:笑咪咪合不攏嘴。
    確實時代已經無仝款矣!咱就愛改變一寡觀念,善心善念會當化解足濟衝突,毋通看講人心佇內別人看袂著,其實咱的一舉一動,攏會顯現佇生活的各面相,咱就來看這件瓷仔作品的表達,個人就感覺伊親像是大腦的神經元,佮網路世界連結的抽像表達,咱的一舉一動透過「面冊」、line、微博等等來流動,咱嘛看會著別人的思考模式,當然有佮意、無佮意兼無認同的某一部份,毋過,伊就真實透明的存在啦!
    這位美國得金獎的作者Kosmas Ballis,真巧妙的用這種呈現方式,來暗示咱毋通閣自私矣!缺喙咧食米粉人攏看現現喔!不如開始轉去人類初初出現彼種無汙染的本心,用「愛」來看世界,嘛用「愛」來傳播理念,就毋驚人共咱看出出啦!因為心中有愛就會毋驚人知;這擺用「新人類紀元愛相隨」來藏頭。當然「愛」袂使干焦局限佇人類家己就好,愛推及萬物有情佮有緣、無緣的眾生啦!

 

銀獎 「絕對零度的直白」[ tsua̍t-tuì lîng-tōo ê ti̍t-pe̍h ]       文:林聰明
    絕對按怎是假設 [ tsua̍t-tuì án-tsuánn sī ká-siat ]
    對人對事愛熱烈 [ tuì-jîn-tuì-sū ài jia̍t-lia̍t ]
    零件可比刀來切 [ lîng-kiānn khó-pí to lâi tshiat ]
    度量愛大照禮節 [ tōo-liōng ài tuā tsiàu lé-tsiat ]
    就是叫咱莫分別 [ tō-sī kió lán mài hun-pia̍t ]
    是非明白袂曲折 [ sī-hui bîng-pi̍k buē khiok-tsiat ]
    直破無仿才袂滅 [ ti̍t-phuà bû-hóng tsiah buē bia̍t ]
    白雲飄飄萬理澈 [ pe̍h-hûn phiau-phiau bān-lí-thiat ]
     世間無彼種絕對講會按怎,就一定會按怎的代誌,因為世情千變萬化無定性,隨著人心會變來閣變去,咱隨時愛有可能會變掛的心態來應變,毋過,咱嘛袂使因為變數可能定定有,煞來失去人心應該有的熱誠啦!
    這件作品看起來敢若用刀仔切甲ku̍t-liù-siù的零件,其實伊只是作者的一種巧妙的手法,想欲表達彼種絕對的零度啦!咱這位台灣的瓷仔藝術家許芝綺,伊嘛知影這是無可能的代誌啦!毋過,伊就是一直試了閣試,毋放棄追求理想的一種表達感!希望用逼近絕對零度的態度來自我時時要求啦!所以這擺藏頭字就用「絕對零度就是直白」來佮伊呼應啦!
    佇這件作品的意境上,予我感覺真清明無汙染的真實感,親像咧講咱人心愛通透無帶心機的境界,袂使有分別心閣愛明白是非曲折,所以只要咱若會當來掌握一理通達,嘛才有機會來萬理通澈喔!

       

 銅獎「不久前的昔日頌」[ put-kiú-tsiâng ê sik-ji̍t-siōng]  文:林聰明
        時繁華敢是夢 [sik-sî huân-huâ kám-sī-bāng]
        落西山才知空 [ ji̍t-lo̍h-se-san tsiah tsai-khang ]
        歌好聽趕緊放 [ siōng-kua hó-thiann kuánn-kín-pàng ]
        是叫咱放輕鬆 [ tō-sī kiò-lán pang-khin-sang ]
        咧心中望仔望 [ tī-leh sim-tiong bang-á-bāng ]
        知不覺過幾冬 [ put-ti-put-kak kuè-kuí-tang ]
        來成真毋通愣 [ kú-lâi-sîng-tsin m̄ thang-gāng ]
        途光明滿天紅 [ tsiân-tôo kong-bîng muá-thinn-âng ]
毋通愣[ m̄-thang-gāng ]:不要發呆。
    美夢成真啥人無愛,上驚只是瓊花一現爾爾啦!佇咱追求夢想的過程中,定定攏是空思夢想,無真正下苦心落去實現,所以歹運無來實現,這是理所當然的,毋通閣嫌東嫌西喔!
    這位愛爾蘭的瓷仔藝術家Eleanor Swan用昔時繁華,來警醒閣咧做眠夢的閒人,景氣好的時陣當然是順心如意,好轉踅來經營事業,攏無想著大環境若是變欲按怎,就是叫逐家好天愛儉雨來糧啦!這擺我用「昔日頌就佇不久前」來相呼應。
    愛眠夢的人嘛愛有真正的實力,若無者等著機會嘛是枉然,因為你干焦會看機會白白流失去,因咱無才調把握牢的,不如趁機會猶袂來趕緊練功夫做奉獻,就算講機會攏無來,咱的人生嘛才袂白白渡過
新北市鶯歌陶瓷博物館三樓特展室,展出時間為105/7/15~106/1/2
【2016台灣國際陶藝雙年展-陶觀】相關資訊網頁參考 https://goo.gl/iJX6II

要聽所有【台語開講】單元歡迎點選網址 http://goo.gl/xjSD3f

教育部閩南語常用詞辭典
http://twblg.dict.edu.tw/holodict_new/index.html

林聰明老師小檔案:台灣國立師範大學台灣文化以及語言文學研究所
現任:新北市鶯歌區昌福國、建國國小的台語老師、固定於鶯歌陶瓷博物館每週三下午2點導覽志工

林聰明老師臉書 https://www.facebook.com/tshongbing.lim

相關活動消息

1.新北市鶯歌陶瓷博物館【2016台灣國際陶藝雙年展-陶觀】
三樓特展室,展出時間為105/7/15~106/1/2
相關資訊網頁參考 https://goo.gl/iJX6II
2.【玲瓏秋歌雙人展】由郭秋香與雍琇玲兩位老師聯合展出,歡迎各界好友蒞臨參觀指教!
展期:105/12/7(日)~105/12/26(日)
展場:三峽歷史文物館(三峽區中山路18號)
茶會:105/12/10(六)下午14:00
3.「德行天下」一書 ,共讀並書寫心得分享 ,內容一千個字到1500個字 , 經由至善園書院評審團評審 , 大專組 第一名得獎金50000元第二名30000元第三名10000元 嘉獎5000元  名額不限 高中組 獎金同大專組, 期望大專生與高中生這些未來的國家主人翁能夠講仁義 重視道德,想要索取書籍者可於弘鶯陶網路電台網頁下留言!

臉書的回響

Leave a comment

你的電子郵件位址並不會被公開。 必要欄位標記為 *