台語開講23~唱談【2016台灣國際陶藝雙年展-陶觀】得獎作品藏頭詩


台語開講23~唱談【2016台灣國際陶藝雙年展-陶觀】得獎作品藏頭詩 林聰明/盧靖安
    弘鶯陶LOGO 弘鶯陶網路電台盧靖安 林聰明老師

訪談大綱

        首獎     「懷舊」[huâi-kū] —「瓦厝懷舊真心無變」。

        金獎 「半幅的蒙太奇」[puànn-pak ê montage]  —「半幅蒙太奇是啥物」。

        銀獎     「彼岸」[ pí-gān ]  —「放下心結去到彼岸」。

        銅獎 「等待果陀」[ tán-thāi kó-tô ]  —「等待果陀不如樂陶」。

           台語開講23這一集將聰明老師在台語教學與鶯歌陶瓷博物館擔任志工之餘,為陶博館正在展出的【2016台灣國際陶藝雙年展-陶觀】中,靖安踏話頭先念首獎的「懷舊」一遍,講出藏字頭是「瓦厝懷舊真心無變」,聰明老師:應該講是阿母佇佗位,做囝的厝就佇佗位啦!這擺借日本小島修的瓷仔作品,來激出寫這首八句聯的靈感啦!猶閣有金、銀、銅獎的作品攏有寫出八句聯來喔!
          以優美的台語文寫成詩詞,並且運用朗朗上口的歌謠,示範每一個人可以嘗試就地取材的方式進行創作,特別的是這一次都採以藏頭詩的部分,為每一個作品主題寫入生活中,與對生命的體悟。聰明老師說:「逐家這遍會發現八句聯攏有藏頭字佮瓷仔作品來互相呼應,這是為著欲增加趣味性佮逐家做伙分享喔!就是講台語文仝款會使寫出藏頭字的變化,絕對袂輸中文!」主持人靖安放膽以「生(青)蚵仔嫂」這首曲子來套唱,邀請您一起來欣賞,聽完有可能會起肉波(雞皮疙瘩)會掉滿地喔。

          要聽所有搶救母語文化系列【台語開講】單元歡迎點選網址 http://goo.gl/xjSD3f
          聰明老師:「只要押韻鬥句合「平、仄」,攏會使套調落去唱!想欲書寫四句、八句聯攏愛經過訓練啦!當然無一定愛藏頭字啦!我只是欲予聽眾朋友知影,咱的語言文化足媠、足媠的,千萬愛珍惜啦!若是放予拋荒去,就足無彩去喔!尤其新政府起來猶捎無摠頭,咱就愛加減共戳頭才好。」

首獎「懷舊」[huâi-kū]                                    文:林聰明

中藏著過去的歷史 [ hiā-tiong tshàng-tio̍h kuè-khì ê li̍k-sú ]
中蹛著男男佮女女  [ tshù-tiong tuà-tio̍h lâm-lâm kah lú-lú ]
抱著美夢會擋偌久 [ huâi-phāu tio̍h bí-bāng ē tòng-luā-kú ]
情綿綿畫面會挑舞 [ kū-tsîng-mî-mî uē-bīn ē thiàu-bú ]
誠樸實古意來相拄 [ tsin-sîng phok-si̍t kóo-ì lâi sio-tú ]
經火著歡喜就來煮 [ sim-king-hué-to̍h huann-hí tō lâi tsú ]
湯無粒食糜配豆乳  [ bô-thng bô-lia̍p tsia̍h-muê phuè tāu-jú ]
東變西攏愛靠阿母 [ pìnn-tang pìnn-sai lóng-ài khò a-bú ]

瓦厝[hiā-tshù]:崁瓦的古早厝。 蹛著[tuà-tio̍h]:住著。
古意[kóo-ì]:老實、靦腆。 心經火著[sim-king-hué to̍h]:表示人來瘋喔!
食糜[tsia̍h-muê]:吃稀飯。 豆乳[tāu-jú]:豆腐乳。

    這是臺灣國際陶藝雙年展的專輯!我真佮意這種鬥句、押韻的表達方式,若是有靈感來矣!就共伊用藏頭詩的方式表達,這首用「瓦厝懷舊真心無變」,來寫作品的景緻兼鬥推捒咱的母語啦!

台語實在是足媠、足媠、足媠的一種語言,真好押韻、鬥句來表達意境,拄好我佇鶯歌瓷仔博物館咧做導覽志工,嘛已經第十六冬囉!若是拄著有緣的觀眾就佮伊分享台語的媠氣;這位日本的作者小島修用咱台南六甲的厝瓦來創作瓷仔作品,嘛得著雙年展的首獎(首獎有兩位),展期到今年底結束,有一百十九件來至世界五大洲的作品,無看著會真拍耍喔!若是有閒會記得來阮鶯歌瓷仔博物館充寡電呢!實在是足讚的啦!

 

金獎 「半幅的蒙太奇」[puànn-pak ê montage]      文:林聰明

真半假無地買 [puànn-tsin puànn-ké bô-tè-bué]
員遼闊四界飛 [hok-guân liâu-khuah sì-kè-pue]
古捌占上濟地 [bông-kóo bat-tsiàm siōng-tsē tē]
空將來誰扞家 [thài-khong tsiong-lâi suî huānn-ke]
文怪事鬥做伙 [kî-bûn kuài-sū tàu-tsò-hué]
非成敗影中花 [sī-hui sîng-pāi iánn-tiong-hue]
人會當獨占月 [siánn-lâng ē-tàng to̍k tsiàm-gue̍h]
換星移換伊衰 [bu̍t-huān-sing-î uānn-i-sue]

無地買 [bô-tè-bué]:無處可買。  捌占 [bat-tsiàm]:曾經侵略。
扞家 [huānn-ke]:當家做主。 鬥做伙 [tàu-tsò-hué]:拼湊在一起。

「蒙太奇」到底是啥物?原來是「法語」的「montage」所譯音來的啦!啥物又閣是「montage」?若是照電影咧攝影的手路來共看,伊是一種借無仝款性質的影像,共伊互相組合起來了後,會閣來產生另外一種導演想欲傳達的信念,手路真自由嘛袂有足濟限制;所以「蒙太奇」佮「蒙古」目前是絕對無關係啦!哈哈哈哈!這擺我就用「半幅蒙太奇是啥物」來藏頭啦!電影會使用「montage」來表達,咱現代的瓷仔世界,當然嘛會使按呢生來表達,這位美國的緣投少年家Joshua Clark創作出半幅「montage」的瓷仔作品,咱的文字敢袂使嘛來共伊「montage」一下呢?答案當然是咱若歡喜就好,所以我就來共伊:「竹篙鬥菜刀,歡喜袂囉嗦,你我來相褒,包你起肉波」你一定會問我講啥物是「起肉波」[khí-bah-pho]?哈哈哈哈!華語是叫做「肉麻」啦!

PS、半「幅」的發音是白音的 [ pak ];「幅」員遼闊,的發音是文音的 [ hok ] 喔!

 

     銀獎 「彼岸」[ pí-gān ]                                 文:林聰明

       眼苦海啥人救 [ hòng-gán khóo-hái siánn-lâng-kiù]
       願祈求萬世修 [ hē-guān kî-kiû bān-sè-siu ]
       無敨放像魔咒  [ sim bô tháu-pàng tshiūnn môo-tsiù ]
       無拍開顛倒勼 [ ka̍t bô phah-khui tian-tò-kiu ]
       留攏是踮宇宙 [ khì lâu lóng sī tiàm ú-tiū ]
       今六道過春秋 [ kàu-tann lio̍k-tō kuè-tshun-tshiu ]
       爿西方極樂唱 [ hit-pîng se-hong ki̍k lo̍k tshiùnn]
       過自然無煩憂 [ gān kuè tsū-jiân bô-huân-iu ]

下願 [ hē-guān ]:許願。 敨放 [ tháu-pàng ]:解放。 顛倒勼 [ tian-tò-kiu ]:反而退縮。
[ tiàm ]:待在那裡。 彼爿 [ hit-pîng ]:那一邊。

咱敢有可能生生世世攏無煩無惱食甲米店倒?當然先決的條件是伊有相信輪迴啦!若無就免閣講矣!攏無煩無惱當然嘛是無可能的代誌,這件作品真有佛家的禪味佇內底。

咱人總是家己拍結來縛家己,然後愈縛愈濟愈絚(ân/緊),等到袂喘氣矣!才來想解脫啦!

這位中國的瓷仔藝術家柳溪,用無仝款的結來表示無仝款的煩惱,而且有法度拍開的人就是咱家己啦!這擺我就用藏頭字「放下心結去到彼岸」來佮伊呼應。

彼岸的「彼」讀文讀的 [ pí ],彼爿的「彼」讀白話的 [ hit ],攏是咧講「那一邊」啦!到底恁的佗一爿佮別人的佗一爿有仝爿無?哈哈答案攏佇未知世界的心中,攏愛家己去修去印證啦!

      銅獎 「等待果陀」[ tán-thāi kó-tô ]                 文:林聰明

         路伴手是禮物 [ tán-lōo phuānn-tshiú sī lé-bu̍t ]
         人接物愛圓滑 [ thāi-jîn tsiap-bu̍t ài înn-ku̍t ]
         實飽滇自然出 [ kó-si̍t pá-tīnn tsū-jiân-tshut ]
         然圓滿跍規窟 [ tô-jiân uân-buán khû kui khut ]
         可思議袂憂鬱 [ put-khó-su-gī buē iu-ut]
         來佛語記牢骨 [ jû-lâi hu̍t-gí kì-tiâu-kut ]
         觀心靈熱怫怫 [ lők-kuan sim-lîng jia̍t-phut-phut ]
         冶世情變藝術 [ tô-iá sè-tsîng piàn gē-su̍t ]

等路[ tán-lōo ]:隨身禮物。 飽滇[ pá-tīnn ]:飽滿紮實。 陀然[ tô-jiân ]:圓形的狀態。
跍規窟[ khû-kui-khut ]:蹲滿洞穴之意。 熱怫怫[ jia̍t-phut-phut ]:古道熱腸。

    等待毋是一件快樂的代誌,除非咱改變心待來看待,「果陀」是啥物呢?作者講是「時間的流逝」,伊透過一等再等毋放棄,結果「果陀」曷是無來,按呢生等待的人敢毋是白白咧當等呢?

    就時間來講是浪費性命的期待,毋過,以作品來講,這位韓國的瓷仔藝術家襄世真,伊用圓形圓滿的器型來累積伊欲表達的時間,是一種流動的夢想,而且伊足「陶醉」這種等待的媠,這擺我用藏頭字「等待果陀不如樂陶」來呼應。

    正面樂觀的思考,永遠是袂退流行啦!因為無閣較好的反應來取代喔!咱佇世間無人是一路順風無煩無惱呢!反一个角度來看就是隨時會有變化來考驗咱的心志,順紲共咱磨鍊意志,若是樂觀閣想會開就是一幅媠媠的歷練考驗圖啦!

新北市鶯歌陶瓷博物館三樓特展室,展出時間為105/7/15~106/1/2
【2016台灣國際陶藝雙年展-陶觀】相關資訊網頁參考 https://goo.gl/iJX6II

練習多次的您一定會跟靖安一樣,覺得愈讀愈有意思,愈聽愈好聽,愈唸愈有感情,加上靖安一個個問清楚字面的意思,還放上了老師的原文稿,相信有心如您,在欣賞之餘,也樂於將此網址轉貼分享,我們要呼籲正視母語教育,美好的聲音讓我們一起,讓我們每個月的第一個星期三早上10點弘鶯陶網路電台空中再相見!

要聽所有【台語開講】單元歡迎點選網址 http://goo.gl/xjSD3f

教育部閩南語常用詞辭典
http://twblg.dict.edu.tw/holodict_new/index.html

林聰明老師小檔案:台灣國立師範大學台灣文化以及語言文學研究所
現任:新北市鶯歌區昌福國、建國國小的台語老師、固定於鶯歌陶瓷博物館每週三下午2點導覽志工

林聰明老師臉書 https://www.facebook.com/tshongbing.lim

相關活動消息

1.鶯歌國中105學年70周年慶活動訊息:
   105/10/20以前  傑出校友遴選登記及三代同堂校友表揚
   105/11/12鶯歌國中校友會會員大會
   105/11/19鶯歌國中70周年擴大校慶
   鶯歌國中報名.諮詢電話:(02)2670-1461轉240~243
2.新北市鶯歌陶瓷博物館【2016台灣國際陶藝雙年展-陶觀】
三樓特展室,展出時間為105/7/15~106/1/2
相關資訊網頁參考 https://goo.gl/iJX6II

臉書的回響

Leave a comment

你的電子郵件位址並不會被公開。 必要欄位標記為 *